काठमाडौं – पछिल्लो २४ घण्टामा देशैभरी १२२ जनामा कोरोना संक्रमण पुष्टि भएको छ ।
देशैभरी गरिएको ३ हजार ५४१ नमुना परीक्षणमा उपत्यकाका ७३ जनासहित १२२ जनामा संक्रमण पुष्टि भएको हो ।
संक्रमित हुनेमा महिला ४२ र पुरुष ८० जना रहेका छन् । आज थपिएका १२२ जनासँगै नेपालमा कोरोना संक्रमितको कूल संख्या २ लाख ७२ हजार ८४० पुगेको छ ।
त्यसैगरी आज देशैभरी १४४ जना कोरोना संक्रमणबाट मुक्त भएका छन् । आज निको भएका १४४ जनासँगै नेपालमा कोरोना संक्रमणबाट मुक्त हुनेको कूल संख्या २ लाख ६९ हजार २०४ पुगेको छ । निको हुनेको यो दर ९८.७ प्रतिशत हो ।
त्यस्तै पछिल्लो २४ घण्टामा देशैभरी कोरोना संक्रमणबाट १ जनाको निधन भएको छ । मन्त्रालयका अनुसार आज थपिएका एकजनासँगै हालसम्म संक्रमणबाट ज्यान गुमाउनेको संख्या २०५५ रहेको छ ।