अलपत्र परेका मालबाहक ट्रकहरुलाई उपत्यका प्रवेश दिइने
भदौ ५ काठमाडौं उपत्यकामा निषेधाज्ञा जारी हुनु भन्दा अगाडि विभिन्न सामग्री लोड भएर आएका मालबाहक ट्रकहरुलाई उपत्यका प्रवेश दिइने भएको छ ।काठमाडौं र धादिङको सिमानामा अलपत्र परेका मालबाहक ट्रकलाई छाड्न महानगरीय प्रहरी कार्यालय रानीपोखरीका प्रमुख डीआईजी बिश्वराज पोखरेलले निर्देशन दिनुभएको हो ।
काठमाडौं, भक्तपुर र ललितपुरले बुधबार राति १२ बजेदेखि भदौ १० गतेसम्म निषेधाज्ञा जारी गरेपछि विभिन्न सामग्री लिएर आएका मालबाहक ट्रकहरु नाकामै नै अलपत्र परेका छन्, भने चालकहरू भोक–भोकै बस्नु परेको समाचार सार्वजनिक भएपछि नेपाल ट्रक यातायात व्यवसायी महासंघका महासचिव राजेन्द्र बिक्रम बानियाले सहजिकरणका प्रयास गर्नुभएको थियो ।
Advertisement
अत्यावश्यक वस्तुबाहेक निर्माण सामग्री, लत्ताकपडालगायतका ढुवानीका सवारीलाई नागढुङ्गा नाकामा निषेधाज्ञा जारी भएसँगै रोकेपछि अलपत्रमा परेका र सहजीकरणका लागि सामग्री खाली गरेर नियम अनुसार सञ्चालन गर्ने सहमतिमा छाड्न निर्देशन दिएको डीआईजी पोखरेलको भनाइ छ ।
नौविसे–नागढुङ्गा अन्तर्गत त्रिभुवन राजपथको सडक दायाँबायाँमा रहेका ५ सयभन्दा बढी ट्रक बिहीबारदेखि पार्किङ्ग गरेर राखिएको थियो । गृह मन्त्रालयका प्रवक्ता चक्रबहादुर बुढाले सहजीकरण गर्न पहल भइरहेको बताउनुभएको थियो ।
शीर्ष समाचार
- तीजा अर्थात् तीज
- परराष्ट्र मन्त्री नारायण खडका लण्डन अवतरण
- एनआरएनएको लोगो र लेटरहेडको प्रयोग तत्काल रोक्न प्रेम गाहामगरलाई आइसीसीको आदेश
- संस्थामा विवाद देखाएर प्रेम गाहामगर समुहद्धारा चन्दा आतंक सुरु
- एनआरएनए यूकेले गर्यो विशेष साधारणसभा बोलाउने निर्णय, प्रवक्ता भरतमणी चोङबाङ निलम्वित
- नेपाली मेलाको साँस्कृतिक नृत्य र झाँकी प्रस्तुति दुवैमा किराया यूकेलाई दोहोरो सफलता, चुम्लुङलाई सान्तवना पुरस्कार
धेरै पढिएको
प्रतिकृया दिनुहोस्