बाढी प्रभावित क्षेत्र बाग्लुङ पुगे गृहमन्त्री
भदाै १९, गृहमन्त्री रामबहादुर थापा ‘बादल’ शुक्रबार बाढी प्रभावित क्षेत्र ढोरपाटन पुगेका छन् । बिहीबार नै त्यसतर्फ हिँडे पनि मौसम खराबीका कारण गृहमन्त्री थापा स्याङ्जाको आकाशबाटै पोखरा विमानस्थलमा आकस्मिक अवतरण गरेका थिए । अत्याधिक वर्षाका कारण मौसमले साथ नदिएपछि पोखराबाट काठमाडौं फर्किएका थिए ।
नेपाली सेनाको हेलिकोप्टरमार्फत आएका गृहमन्त्री थापासहितको टोलीले बुधबा राती भुजीखोलामा आएको भीषण बाढीले पुर्याएको क्षतिबारे स्थलगत जानकारीसहित त्रिपाल, टेण्ट, म्याटलगायतका राहत सामग्री समेत वितरण गरेको छ ।
Advertisement
बाढी प्रभावित ढोरपाटन नगरपालिकाको वडा ९ सहितको स्थलगत जानकारी पछि गृहमन्त्री थापाले बाढीले क्षतिग्रस्त बनाएका घरको पुर्ननिर्माण वर्षा लगत्तै सुरु गरिने प्रतिवद्धता व्यक्त जनाए । देशले ढोरपाटनको विपत्तिबाट अकल्पनीय घटना बेहोर्नु परेको भन्दै घर र परिवार गुमाएकाहरुको साथमा सरकार रहेकाले उच्च मनोवल सहित अघि बढ्न आग्रह गरे ।
बाढीका कारण अझै पनि थप जोखिमयुक्त वस्तीबारे पूर्व सचेतता अपनाउन र भौतिक पूर्वाधारको पुर्ननिर्माणका लागि सम्बन्धित मन्त्रालयलका मन्त्री सँग कुरा गरिने उनले बताए । बाढी प्रभावित क्षेत्रका सांसद तथा नेकपाका नेता देवेन्द्र पौडेल सुनिलले ढोरपाटनका बाढी प्रभावित नागरिकको राहत, खोजी तथा पुर्नस्थापनाका लागि सबै तह र निकायबाट पहलका लागि कुनै कसर बाँकी नराखिने बताए ।
बुधबार राती आएको बाढीले ढोरपाटन नगरपालिकाकाको वडा नम्बर ९ सहित ७ र ८ मा ठूलो क्षति पुर्याएको छ । बाढीमा परि १४ जनाको मृत्यु भएको छ भने २४ जना अझै बेपत्ता छन् ।
शीर्ष समाचार
- तीजा अर्थात् तीज
- परराष्ट्र मन्त्री नारायण खडका लण्डन अवतरण
- एनआरएनएको लोगो र लेटरहेडको प्रयोग तत्काल रोक्न प्रेम गाहामगरलाई आइसीसीको आदेश
- संस्थामा विवाद देखाएर प्रेम गाहामगर समुहद्धारा चन्दा आतंक सुरु
- एनआरएनए यूकेले गर्यो विशेष साधारणसभा बोलाउने निर्णय, प्रवक्ता भरतमणी चोङबाङ निलम्वित
- नेपाली मेलाको साँस्कृतिक नृत्य र झाँकी प्रस्तुति दुवैमा किराया यूकेलाई दोहोरो सफलता, चुम्लुङलाई सान्तवना पुरस्कार
धेरै पढिएको
प्रतिकृया दिनुहोस्