शुक्रबारका लागि तय गरिएको नेपाली काँग्रेस केन्द्रीय कार्यसमितिको बैठक पुनः स्थगित
काठमाडौँ – शुक्रबारका लागि तय गरिएको नेपाली काँग्रेस केन्द्रीय कार्यसमितिको बैठक पुनः स्थगित भएको छ ।
बिहीबार बसेको शीर्ष नेताहरुबीच बैठकमा प्रस्तुत गरिने एजेन्डाबारे सहमति नजुटेपछि बैठक स्थगित भएको हो । नेताहरुका अनुसार बैठक कात्तिक २४ गते सोमवार बस्ने भनिएको छ ।
Advertisement
बिहिबार भएको पार्टी पदाधिकारी र पूर्व पदाधिकारीको बैठकमा वरिष्ठ नेता रामचन्द्र पौडेलसहितका २७ केन्द्रीय सदस्यले पेस गरेको १६(बुँदे असहमतिमा सहमति नजुट्दा बैठक सारिएको हो ।
बैठकपछि कांग्रेस बरिष्ठ नेता रामचन्द्र पौडेलले आफुले अघि सारेको १६ बुदें असहमतिका बारेमा टुङ्गो लगाएर मात्र केन्द्रीय समिति बैठक बस्ने बताउनुभयो । सवै बिषयमा सहमति खोज्ने र त्यसपछि २४ गते केन्द्रीय समिति बस्ने जानकारी दिनुभयो ।
सभापति देउवा समयमै महाधिवेशन गर्नबाट पछि हट्न खोजेको तथा विधि विधानअनुसार नचलेको भन्दै पौडेल पक्षका केन्द्रीय सदस्यले १६–बुँदे असहमति राख्दै पार्टी कार्यालयमा विरोध पत्र बुझाएका थिए ।
क्रियाशील सदस्यता, महाधिवेशन सुनिश्चितता, समायोजन र विभाग गठनलगायतमा पौडेल पक्षले प्रश्न उठाउँदै आएको छ ।
महाधिवेशन नजिकिएका बेला सभापति शेरबहादुर देउवाले एकलौटी ढंगले विभाग गठन गरेको दावी गर्दै पौडेल पक्षले ती विभाग खारेज गर्न उनीहरूले माग गरेका छन् ।
तर देउवा पक्षले भने विभाग गठन विधानविपरीत नभएको दावी गर्दै आएको छ । कांग्रेस पदाधिकारी र पूर्व पदाधिकारीको बैठक शुक्रबार पनि बस्ने भएको छ ।
शीर्ष समाचार
- तीजा अर्थात् तीज
- परराष्ट्र मन्त्री नारायण खडका लण्डन अवतरण
- एनआरएनएको लोगो र लेटरहेडको प्रयोग तत्काल रोक्न प्रेम गाहामगरलाई आइसीसीको आदेश
- संस्थामा विवाद देखाएर प्रेम गाहामगर समुहद्धारा चन्दा आतंक सुरु
- एनआरएनए यूकेले गर्यो विशेष साधारणसभा बोलाउने निर्णय, प्रवक्ता भरतमणी चोङबाङ निलम्वित
- नेपाली मेलाको साँस्कृतिक नृत्य र झाँकी प्रस्तुति दुवैमा किराया यूकेलाई दोहोरो सफलता, चुम्लुङलाई सान्तवना पुरस्कार
धेरै पढिएको
प्रतिकृया दिनुहोस्