हुक्पा चोङवाङ कल्याण संघ युकेको चौथो अधिवेशन सम्पन्न
युकेवासी हुक्पा चोङबाङ परिवारको छाता संस्था हुक्पा चोङबाङ कल्याण संघ युकेको चौंथो अधिवेशन सम्पन्न भएको छ ।
चौथो कार्य समितिको कार्यकालमा निधन भएका १४ जना दिवंगतहरुको सामूहिक तस्वीरमा सभामा उपस्थित ज्येष्ठ सदस्य श्री सेर हुक्पा चोङबाङ द्वारा माल्यार्पण एवम् सल्लाहकार श्री बौद्धमान हुक्पाद्वारा दीपप्रज्ज्वलन गरिएको थियो ।
अध्यक्ष श्री गोकर्ण हुक्पा चोङबाङ बाट कार्य प्रतिवेदन, कोषाध्यक्ष श्री जुद्द बहादुर हुक्पा चोङबाङबाट आर्थिक प्रतिवेदन प्रस्तुत र सचिव श्री सुरेश कमार हुक्पा चोङबाङ बाट प्रस्तुत विभिन्न एजेण्डाहरुमा छलफल पश्चात पहिलो सत्र अन्त भएको थियो । निर्वाचन मण्डल अध्यक्ष बौद्धमान हुक्पा चोङबाङले बिगठित कार्य समितिलाइ धन्यावाद ज्ञापन गर्दै दोश्रो सत्र सुरु भएको थियो ।
पाँचौं कार्य समितिको लागि प्रस्तुत प्रस्तावित नामावली सर्बसम्मतिमा सुरेन्द्र कुमार हुक्पा चोङबाङको अध्यक्षतामा ७ सदस्यीय स्थायी समिति र १० सदस्यीय पुऱ्ख्यौली गाउॅं अन्तरगत प्रतिनिधि सदस्यहरु छन् ।
स्थायी समिति अध्सक्षमा सुरेन्द्र कुमार हु. चोङबाङ, उपाध्यक्षमा अमरजंग, दुर्गा पाङमा, सचिवमा जुद्द बहादुर, सह सचिवमा वीर बहादुर, कोषाध्यक्षमा मान, सह कोषाध्यक्षमा खडगराज छन् ।
गाउॅं अन्तरगत प्रतिनिधि सदस्यहरुमा श्रीजुङबाट कुबेरसिंग, सेखिम्बा/पौंठाकबाट गोकर्ण, जलजले निंगालेबाट उत्तम, इसिवोबाट विरनरसिंग, सम्दु/संगपुबाट जिवन कुमार ,खाम्लालुङबाट योगेन्द्र छन् ।
प्रतिकृया दिनुहोस्