सञ्चारकर्मी सुवेदी र अभिनेत्री शर्माबीच सहमति
भदौ ४,अभिनेत्री पूजा शर्मा र सञ्चारकर्मी प्रकाश सुवेदीबीच मिलापत्र भएको छ । एक टेलिभिजन कार्यक्रम ‘रजतपट’मार्फत् सञ्चारकर्मी सुवेदीले अभिनेत्री शर्मालाई लक्षित गरी बोलेका अपशब्दको विषयमा जारी विवादबारे मिलापत्र गरेका हुन् ।
सञ्चारकर्मी प्रकाशले सञ्चालन गर्दै आएका कार्यक्रमबारे विगतमा भएका असहमति, उजुरीलगायतलाई दुवै पक्षबीच अन्त्य गर्ने सहमति भएको जानकारी गराइएको हो ।
Advertisement
अभिनेत्री पूजा र सञ्चारकर्मी सुवेदीबीचको मिलापत्रमा कलाकार संघका अध्यक्ष रविन्द्र खड्का, निर्माता संघका अध्यक्ष आकाश अधिकारी, नृत्यकार संघका अध्यक्ष जनक कार्कीलगायतले पनि हस्ताक्षर गरेका छन् ।
मिलापत्रमा सञ्चारकर्मी सुवेदीले सञ्चालन गर्दै आएका कार्यक्रममा पेशागत मर्यादामा रहेर प्रचलित कानून र पेशागत आचार संहिताको पालना गर्नुपर्ने उल्लेख गरिएको छ ।
सञ्चारकर्मी सुवेदीले अभिनेत्री शर्मालाई लक्षित गरी ‘दाह्रा भएको नायिका’ भनेपछि यस विवाद उत्कर्षमा पुगेको थियो । साथै अभिनेत्री शर्माले आफ्नो मानहानी भएको भन्दै चलचित्रसम्बद्ध विभिन्न संघ संस्थानमा उजुरी समेत दिएकी थिइन् ।
शीर्ष समाचार
- तीजा अर्थात् तीज
- परराष्ट्र मन्त्री नारायण खडका लण्डन अवतरण
- एनआरएनएको लोगो र लेटरहेडको प्रयोग तत्काल रोक्न प्रेम गाहामगरलाई आइसीसीको आदेश
- संस्थामा विवाद देखाएर प्रेम गाहामगर समुहद्धारा चन्दा आतंक सुरु
- एनआरएनए यूकेले गर्यो विशेष साधारणसभा बोलाउने निर्णय, प्रवक्ता भरतमणी चोङबाङ निलम्वित
- नेपाली मेलाको साँस्कृतिक नृत्य र झाँकी प्रस्तुति दुवैमा किराया यूकेलाई दोहोरो सफलता, चुम्लुङलाई सान्तवना पुरस्कार
धेरै पढिएको
प्रतिकृया दिनुहोस्