भारतले दियो लिपुलेकमा सैन्य निगरानी बढाउन आफ्ना सेनालाई निर्देशन
भाद्र २१, काठमाडाैं । भारत-चीनबीच सीमा विवाद बढ्दै गएकाे वेला भारत सरकारले नेपालकाे उत्तरपश्चिमी सीमा क्षेत्र लिपुलेकमा नगरानी बढाउन निर्देशन दिएका छ । भारत सरकारले आफ्नो सेनालाई निर्देशन दिँदै नेपाल-भारत-चीन ‘त्रिदेशीय नाका’ लिपुलेक क्षेत्रमा विशेष निगरानी बढाउन भनेको हाे ।
भारत चीनकाे सीमा क्षेत्र लद्दाखको सुशुल भ्यालीमा दुवै देशका सेनाबीच तनाव पुनः बढेपछि भारतले उत्तरी सीमा क्षेत्रमा उच्च सतर्कता अपनाएको हो । साेही क्रममा लिपुलेक क्षेत्रमा पनि निगरानी बढाउन निर्देशन दिइएकाे छ । गत अगस्ट २९-३० मा पूर्वी लद्दाखमा भारत-चीनका सेनाबीच तनाव बढेकाे बताइएकाे छ ।
Advertisement
स्पुतनिक न्युजका अनुसार चिनियाँ सेनाले सीमा क्षेत्रमा आफ्नो गतिविधि बढाएको भन्दै विशेष निगरानी गर्न आफ्नो सेनालाई भारतले निर्देशन दिएको हाे । यसअघि भारतीय सञ्चारमाध्यमहरूले लिपुलेक नजिकै चीनले सैन्य दस्ता बढाएकाे बताएका थिए ।
पछिल्लाे पटक भारतीय पत्रिका इकोनाेमिक टाइम्सले लपुलेक क्षेत्रमा चीनकाे मात्र गतिविधि बढेकाे नभएर नेपालले पनि भारतीय सेनाका गतिविधिमा निगरानी गर्न आफ्नो सशस्त्र सुरक्षा फौजलाई निर्देशन दिएको उल्लेख गरेकाे छ ।
यसअघि भारतले नेपाली भूमि लिपुलेक हुँदै चीनको मानसरोवर जाने सडक बनाएपछि नेपाल-भारतबीच तनाव उत्पन्न भएकाे थियाे । नेपालले लिपुलेक मात्र नभएर लिम्पियाधुरासम्म नै अाफ्नाे भूभाग रहेकाे दाबी गर्दै नयाँ नक्सा जारी गरेको थियाे ।
शीर्ष समाचार
- तीजा अर्थात् तीज
- परराष्ट्र मन्त्री नारायण खडका लण्डन अवतरण
- एनआरएनएको लोगो र लेटरहेडको प्रयोग तत्काल रोक्न प्रेम गाहामगरलाई आइसीसीको आदेश
- संस्थामा विवाद देखाएर प्रेम गाहामगर समुहद्धारा चन्दा आतंक सुरु
- एनआरएनए यूकेले गर्यो विशेष साधारणसभा बोलाउने निर्णय, प्रवक्ता भरतमणी चोङबाङ निलम्वित
- नेपाली मेलाको साँस्कृतिक नृत्य र झाँकी प्रस्तुति दुवैमा किराया यूकेलाई दोहोरो सफलता, चुम्लुङलाई सान्तवना पुरस्कार
धेरै पढिएको
प्रतिकृया दिनुहोस्