अनसनरत डा.केसीको समर्थनमा पोखरामा प्रदर्शन : ‘व्यापारी सरकार चाहिदैन, सत्याग्रही मार्न पाइदैन’
आश्विन ९, काठमाडौं । चिकित्सा शिक्षा क्षेत्रमा सुधारको माग राख्दै १९ औं पटक अनसनरत डा. गोविन्द केसीको समर्थनमा ‘जागौ पोखरा’को अभियानमा बुधबारदेखि पोखराको विभिन्न स्थानमा प्रदर्शन हुँदै आएको छ ।
यसैबीच आज तेस्रो दिन पनि डा. केसीका सबै मागहरु पूरा गर्नुपर्ने र उनको जीवन रक्षा गर्नुपर्ने भन्दै समर्थकहरुले सृजनाचोकमा प्रदर्शन गरेका छन् ।
Advertisement
उनीहरुले ‘व्यापारी सरकार चाहिदैन, सत्याग्रही मार्न पाइदैन’, ‘लुटतन्त्र बन्द गर’, ‘हाम्रो स्वास्थ्य हाम्रै हातमा, हामी डा. केसीको साथमा’लगायतका नारा लेखिएको प्लेकार्डसहित प्रदर्शन गरेका हुन् ।
समर्थन सहभागी डा.राजेश थापाले डा. केसीले मागेका मागहरु चिकित्सा क्षेत्रका लागि एक्दमै आवश्यक रहेको भन्दै आफू हस्पितलमा काम गर्दै गर्दाको अवस्थामा पनि समर्थनमा साथ दिन आएको बताए ।
सत्याग्रही केसीलाई जुम्लाबाट काठमांडौं ल्याउने क्रममा एम्बुलेन्स भित्र प्रहरीले गरेको दूर्व्यवहार र ८ दिनसम्म सरकारले डा. केसीकोे अनशन सम्बोधन नगर्नु दुःखद् भएको बताए । डा.केसीको समर्थनमा अझै सशक्त कार्यक्रम गर्ने तयारी भइरहेको जागौ पोखरा अभियानका संयोजक शिरिष गुरुङले जानकारी दिए ।
शीर्ष समाचार
- तीजा अर्थात् तीज
- परराष्ट्र मन्त्री नारायण खडका लण्डन अवतरण
- एनआरएनएको लोगो र लेटरहेडको प्रयोग तत्काल रोक्न प्रेम गाहामगरलाई आइसीसीको आदेश
- संस्थामा विवाद देखाएर प्रेम गाहामगर समुहद्धारा चन्दा आतंक सुरु
- एनआरएनए यूकेले गर्यो विशेष साधारणसभा बोलाउने निर्णय, प्रवक्ता भरतमणी चोङबाङ निलम्वित
- नेपाली मेलाको साँस्कृतिक नृत्य र झाँकी प्रस्तुति दुवैमा किराया यूकेलाई दोहोरो सफलता, चुम्लुङलाई सान्तवना पुरस्कार
धेरै पढिएको
प्रतिकृया दिनुहोस्