प्रचण्डले भने- प्रधानमन्त्री ओलीले पार्टी विभाजनको प्रस्ताव राख्नु भयो
काठमाडौं – सत्तारुढ नेपाल कम्युनिष्ट पार्टी विभाजनको संघारमा पुगेको छ । अध्यक्ष पुष्पकमल दाहालले यस्को खुलासा गर्दै प्रधानमन्त्री एवं अर्का अध्यक्ष केपी शर्मा ओलीले अब अलग अलग भएर जानु पर्ने प्रस्ताव राख्नु भएको बताउनु भएको छ ।
आइतबार आफ्नो निवास खुमलटारमा सचिवालयका सदस्यहरुलाई बोलाएर उहाँले प्रधानमन्त्री ओलीको प्रस्ताव बारे जानकारी दिनुभएको हो ।
शनिबार ११ दिनपछि प्रधानमन्त्री ओलीसंग अध्यक्ष दाहालको भेट प्रधानमन्त्रीको निवास वालुवाटारमा भएको थियो । सो भेटमा अध्यक्ष दाहालले सचिवालय बैठक बोलाउन प्रस्ताव गर्नु भएको थियो । तर ओलीले भने अब पार्टी नै अलग अलग बनाएर लैजानु भलो हुने बताउनु भएको पनि दाहालले खुलासा गर्नु भएको छ ।
Advertisement
आइतबार आफ्नो निवासमा सचिवालय सदस्यहरु झलनाथ खनाल, माधवकुमार नेपाल, बामदेव गौतम, नारायणकाजी श्रेष्ठ र रामबहादु थापालाई बोलाएर दाहालले यो जानकारी दिनु भएको हो ।
छलफलमा सहभागी एक सदस्यका अनुसार छलफलमा प्रधानमन्त्री ओली पक्षले प्रधानमन्त्री पदको माग गरेको भन्ने कुराको खण्डन गर्दै दाहालले आफुले ओलीसमक्ष प्रधानमन्त्री पद नमागेको प्रष्ट पार्नु भएको थियो ।
यता पार्टीका महासचिव एवं अर्थमन्त्री विष्णु पौडेलले आइतबार ट्वीट गर्दै पार्टीमा विभाजनको खतरा बढेको उल्लेख गर्नु भएको छ ।
शीर्ष समाचार
- तीजा अर्थात् तीज
- परराष्ट्र मन्त्री नारायण खडका लण्डन अवतरण
- एनआरएनएको लोगो र लेटरहेडको प्रयोग तत्काल रोक्न प्रेम गाहामगरलाई आइसीसीको आदेश
- संस्थामा विवाद देखाएर प्रेम गाहामगर समुहद्धारा चन्दा आतंक सुरु
- एनआरएनए यूकेले गर्यो विशेष साधारणसभा बोलाउने निर्णय, प्रवक्ता भरतमणी चोङबाङ निलम्वित
- नेपाली मेलाको साँस्कृतिक नृत्य र झाँकी प्रस्तुति दुवैमा किराया यूकेलाई दोहोरो सफलता, चुम्लुङलाई सान्तवना पुरस्कार
धेरै पढिएको
प्रतिकृया दिनुहोस्