पूर्व गोर्खा चन्द्रकुबेर आङ्बुहाङ एनआरएनए यूकेको कार्यसमिति सदस्यमा उठ्ने
लण्डन । गैर-आवासीय नेपाली संघ यूकेको आगामी जुलाई ३१ मा हुने निर्वाचनमा चन्द्रकुबेर आङ्बुहाङले उम्मेदवारी दिने बताएका छन् । इङल्याण्डको बेजिस्टोक निवासी आङ्बुहाङ किराँत याक्थुङ चुम्लुङ यूके बेजिङस्टोक शाखाका पूर्व सचिव हुन् । विगत लामो समयदेखि एनआरएनए यूकेको सदस्य रहँदै आएको भएपनि निर्वाचनमा भने उम्मेदवारको रुपमा पहिलो पटक भाग लिंदैछन् ।
समुदायबाट एनआरएनको मूल अभियानमा कम सहभागी भइरहेको सन्दर्भमा आफ्नो उम्मेद्वारीले त्यसमा सुधार ल्याउने आशाका साथ उनी चुनावमा होमिएको बताउँछन् । यदि चुनाव जितेर कार्यसमितिमा प्रवेश पाए एनआरएनए यूकेलाई समावेशी बनाउँदै पूर्व गोर्खाको मुद्दाहरुमा केन्द्रित भएर काम गराउन पहल गर्ने योजना छ ।
#NRNAUK #NRNAUK Election
प्रतिकृया दिनुहोस्