चासोक, उधौली पर्वको उपलक्ष्यमा सार्वजनिक बिदा घोषणा
काठमाडौँ । याक्थुङ लिम्बु समुदायको महान् पर्व चासोक तङ्नामको उपलक्ष्यमा नेपाल सरकारले सार्वजनिक बिदा घोषणा गरेको छ । सरकारको गृह मन्त्रालयले एक सूचना जारी गर्दै आदिवासी याक्थुङ लिम्बु समुदायको पर्वमा बिदा घोषणा गरेको हो ।
मन्त्रालयका उपसचिव वसन्त भट्टराईले शुक्रबार सूचना जारी गर्दैै पौष ४ गते आइतबारका दिन उधौली पर्व, योमरी पुन्ही – ज्यापू दिवस(धान्य पूर्णिमा)का दिन देशभरका सम्बन्धित समुदायका लागि बिदा र काठमाडौँ उपत्यकामा सार्वजनिक बिदा दिने नेपाल सरकारको पौष १ गते बसेको मन्त्रिपरिषदले निर्णय गरेको जनाएको छ ।
Advertisement
याक्थुङ लिम्बु समुदायले चासोक थिसोक/चासोक तङ्नाम, राई समुदायले साकेला उधौली, सुनुवारले फोलष्याँदर, याक्खाले चासुवा, नेवारले योमरी पुन्ही, खस समुदायले धान्य पूर्णिमा, थामीले भूमे पूजा भनेर यो चाडलाई धूमधामका साथ मान्ने गर्दछन् । नेपाल सरकारले सार्वजनिक बिदा कटौती भन्दै आदिवासी समुदायका अधिकांश चाडपर्वहरूमा केही वर्षयता बिदा दिन छाडेको थियो । बिदा कटौतीका विषयलाई लिएर आदिवासी र अल्पसंख्यक समुदायले पटक पटक आन्दोलन चर्काएका थिए । पौष ४ गते बिदा दिने निर्णयलाई स्वागत गरेतापनि चाड मान्न एक दिन पर्याप्त नहुने केही आदिवासी अगुवाहरूले प्रतिक्रिया दिएका छन् ।
#आदिवासी जनजाति
शीर्ष समाचार
- तीजा अर्थात् तीज
- परराष्ट्र मन्त्री नारायण खडका लण्डन अवतरण
- एनआरएनएको लोगो र लेटरहेडको प्रयोग तत्काल रोक्न प्रेम गाहामगरलाई आइसीसीको आदेश
- संस्थामा विवाद देखाएर प्रेम गाहामगर समुहद्धारा चन्दा आतंक सुरु
- एनआरएनए यूकेले गर्यो विशेष साधारणसभा बोलाउने निर्णय, प्रवक्ता भरतमणी चोङबाङ निलम्वित
- नेपाली मेलाको साँस्कृतिक नृत्य र झाँकी प्रस्तुति दुवैमा किराया यूकेलाई दोहोरो सफलता, चुम्लुङलाई सान्तवना पुरस्कार
धेरै पढिएको
प्रतिकृया दिनुहोस्